2009, ജൂൺ 30, ചൊവ്വാഴ്ച
കൂര്ക്ക ഉപ്പേരി | Koorkka Upperi
പല സ്ഥലത്തും ഉപ്പേരി എന്ന് പറഞ്ഞാല് ചിപ്സ് ആണ്. ഞങള് തൃശൂര്ക്കാര് ഉപ്പേരി എന്ന് പറയുന്നത് ചിപ്സിനെ അല്ലാട്ടോ. ഞങള് 'വറുത്തത്' (eg: കായ വറുത്തത്, ചക്ക വറുത്തത്) എന്നാണ് ചിപ്സ്നു പറയുക. ഞങളുടെ ഉപ്പേരികള് കൊറച്ചു സ്പൈസി ആയിരിക്കും. എനിക്ക് ഏറ്റവും ഇഷ്ടമുള്ള ഉപ്പേരിയാണ് കൂര്ക്ക. തോല് കളഞ്ഞെടുക്കാന് ഇത്തിരി കഷ്ട്ടമാണെങ്കിലും... കൂര്ക്ക എപ്പോ കിട്ടിയാലും ഞാന് മേടിക്കും.
ചേരുവകള്:
കൂര്ക്ക - 1 kg
വെള്ളുള്ളി - 12 അല്ലി
കറിവേപ്പില - 4 തണ്ട്
ചതച്ച മുളക് (crushed red chilly) - 2 സ്പൂണ്
മഞ്ഞള്പ്പൊടി - 1 സ്പൂണ്
വെളിച്ചെണ്ണ - 2 സ്പൂണ്
ഉപ്പ് - ആവശ്യത്തിനു
തയ്യാറാക്കുന്ന വിധം:
1) കൂര്ക്ക തോല് കളഞ്ഞു കഷ്ണങളാക്കി കഴുകി വൃത്തിയാക്കി ഉപ്പും മഞ്ഞള്പൊടിയും ചേര്ത്ത് വേവിക്കുക.
2) വെള്ളുള്ളി ചതച്ചെടുക്കുക.
3) ഒരു പാനില് വെളിച്ചെണ്ണ ഒഴിച്ച് ചതച്ച വെള്ളുത്തുള്ളി ചേര്ത്ത് പച്ചമണം മാറുമ്പോള് മുളകും കറിവേപ്പിലയും ചേര്ക്കുക.
4) വെള്ളുള്ളിയും മുളകും കറിവേപ്പിലയും മൂപ്പിച്ചതിലേക്ക് വേവിച്ച് വെച്ചിരിക്കുന്ന കൂര്ക്ക ചേര്ത്ത് നന്നായി ഇളക്കുക.
കൂര്ക്ക തോല് കളയാന് പല വഴികള് ഉണ്ട്. ചാക്കില് കെട്ടി നിലത്തടിച്ചു ചിലര് കൂര്ക്ക വൃത്തിയാക്കണ കണ്ടിട്ടുണ്ട്. അറിയാന് പാടില്ലാത്തവര് അങ്ങനെ അടിച്ചാല് കൂര്ക്ക ചമ്മന്തിയായി കിട്ടും. പിന്നെ കൊട്ടയിലിട്ടു കാലുകൊണ്ട് ചവിട്ടി തോല് കളയും. ഞാന് കൂര്ക്ക ഒരു മൂന്നു നാലു മണിക്കൂര് വെള്ളത്തില് ഇട്ട് വെച്ച് kuttayil ഇട്ട് നന്നായി ഉരച്ചു കഴുകും . തോല് കൊറേയൊക്കെ പോയി കിട്ടും.
2009, ജൂൺ 22, തിങ്കളാഴ്ച
എള്ളുണ്ട | Ellunda
ചേരുവകള്:
എള്ള് - 200 ഗ്രാം
ശര്ക്കര - 100 ഗ്രാം
തയ്യാറാക്കുന്ന വിധം:
1)ചുവടുകട്ടിയുള്ള ഒരു ചട്ടിയില് എള്ള് (എള്ള് പൊട്ടാന് തുടങ്ങുന്നതുവരെ) വറുത്തെടുക്കുക.
2)ശര്ക്കര 3 / 4 സ്പൂണ് വെള്ളം ഒഴിച്ച് കട്ടിയില് പാവ് കാച്ചിയെടുക്കുക.
3)വറുത്തു വെച്ചിരിക്കുന്ന എള്ള് ശര്ക്കര പാവില് ചേര്ക്കുക.
4)കയ്യില് എടുക്കാവുന്ന പാകത്തില് ചൂട് ആറിയാല് ചെറിയ ഉരുളകളായി
2009, ജൂൺ 14, ഞായറാഴ്ച
എഗ്ഗ് കറി | Egg Curry
ചേരുവകള്:
മുട്ട പുഴുങ്ങിയത് - 2 എണ്ണം
സവാള - 2 എണ്ണം
ഉരുളകിഴങ്ങ് പുഴുങ്ങിയത് - 2 എണ്ണം
(സവാളയും കിഴങ്ങും ഇവിടെ കിട്ടണതാണെങ്കില് വലിയ ഒരെണ്ണം മതി)
വെള്ളുള്ളി - 4 അല്ലി
ഇഞ്ചി - ഒരു ചെറിയ കഷ്ണം
പച്ചമുളക് - 2 എണ്ണം
കറി വേപ്പില - 2 തണ്ട്
മുളകുപൊടി - 1 ടീസ്പൂണ്
മല്ലിപൊടി - 1 ടീസ്പൂണ്
മഞ്ഞള്പൊടി - 1/2 ടീസ്പൂണ്
ഉപ്പു - പാകത്തിന്
ചുവന്നുള്ളി - 6 എണ്ണം
വെളിച്ചെണ്ണ - 4 സ്പൂണ്
തേങ്ങപാല് - ഒരു കപ്പ് (ഒന്നാം പാല് വേണം. ഞാന് ഇവിടെ കോക്കനട്ട് മില്ക്ക് പൌഡര് ആണ് ഉപയോഗിക്കാറ്)
തയാറാക്കുന്ന വിധം:
1)പാന് അടുപ്പത്ത് വെച്ച് ചൂടാകുമ്പോള് 2 സ്പൂണ് വെളിച്ചെണ്ണ ഒഴിച്ച് സവാള അറിഞ്ഞത് ചേര്ത്ത് വഴറ്റുക.
2)സവാള ചെറുതായി വെന്തു വരുമ്പോള് ഇഞ്ചിയും വെളുത്തുള്ളിയും ചതച്ചതും, പച്ചമുളകും ചേര്ക്കുക.
3)നന്നായി വഴറ്റി പച്ചമണം മാറുമ്പോള് മല്ലിപൊടി, മുളകുപൊടി, മഞ്ഞള്പൊടി എന്നിവ ചേര്ക്കുക.
4)പൊടികള് എല്ലാം ചേര്ത്ത് ഒന്ന് ചൂടായതിനു ശേഷം പുഴുങിയ ഉരുളകിഴങ്ങ് ഉടച്ചു ചേര്ത്ത് നന്നായി ഇളക്കുക.
5)ഇതിലേക്ക് തേങ്ങപാല് ചേര്ത്ത് തിള വരുമ്പോള് മുട്ട പുഴുങ്ങിയത് രണ്ടായി മുറിച്ചോ മുഴുവനോടയോ ചേര്ത്ത് അടുപത്തുനിന്നു ഇറക്കി വെക്കുക.
6)വേറെ ഒരു ചെറിയ പാനില് 2 സ്പൂണ് വെളിച്ചെണ്ണ ഒഴിച്ച് ചുവന്നുള്ളി ചെറുതായി അരിഞ്ഞതും കറിവേപ്പിലയും മൂപിച്ചു കറിയുടെ മുകളില് ഒഴിക്കുക. എഗ്ഗ് കറി റെഡി.
പൊടികളുടെ കൂടെ 1 സ്പൂണ് ഗരംമസാല ചേര്ത്തും വെക്കാം. അപ്പൊ അവസാനം ഉള്ളി മൂപിച്ചു ഒഴിക്കണ്ട. ആ കറിക്ക് വേറൊരു സ്വാദായിരിക്കും.
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)